【本報訊】清明節假期間，不但墳場墓地擠滿孝子賢孫，更帶旺附近的食肆、商戶，像在鯉魚門的海鮮食肆，不少人在附近的將軍澳墳場掃墓後舉家光顧，部份酒樓因此爆滿，並預計旺市可持續至即將來臨的復活節假期；有食肆計劃以送海鮮湯及生果招徠。
雖然近期本港有多宗市民進食珊瑚魚後中雪卡毒的個案，但任職鯉魚門龍騰海鮮酒家的鄭太說，前日清明正日該店爆滿。「噚日多咗好多拜山客、家庭客，坐滿晒……我估下個禮拜復活節都會咁好！」
雪卡毒的新聞反為他們帶來不少生意。「我聽番出面啲行家同埋食客講，好多人驚出面啲魚有事，寧願穩陣啲嚟呢度食。」鄭太又指，今年生意穩步上揚，人氣轉旺，多了不少本地客；為迎接復活節的人流，該店將為每枱客奉送海鮮湯及水果。
不過，也有不少零售商戶指市面「旺丁不旺財」，巿民的消費意欲仍未完全恢復。「人多咗，但係就未必多人買，所以我哋一早就劈價，已經減咗兩成。」在九龍灣淘大商場創業開家具店的關先生一招減價戰術明顯有效，連日來生意額大幅上升三、四成，他已計劃租用更大的舖位。
在同一商場售賣特色西藏裝飾品的羅小姐亦指，近日人流較平日增加兩至三成。「呢半年咁計，起碼多咗三分之一（生意額），𠵱家開始（生意）一路上，賺嘅錢重比以前多啲㖭！」羅小姐本為護士，去年沙士期間失去工作，自行創業，她希望復活節有更多巿民消費。