可能係我羅拉小人之心啦，我見尊尼仔邊個單挑出嚟做舞台劇都好，如果稍有情慾場面，對手就必定係大到可以做得佢阿媽嘅女優以免fans呷醋。繼早前岡田准一配大竹忍之後，三宅健喺呢齣改編自荷李活名片《畢業生》嘅同名新劇入面，被大佢二十五年嘅「人妻」秋吉久美子引誘，三宅嘅表情好似隻就嚟入狼口嘅羊仔咁無辜。