無綫新紮小生黃宗澤上月因為租務糾紛而被揭與吳姓圈外女友的同居關係，早前他又被周刊踢爆與另一女伴行家具店，其吳姓女友昨日哭訴黃宗澤一腳踏兩船，以甜言蜜語欺騙感情，她說：「佢冇良知！食軟飯！唔係男人嚟㗎！」
黃宗澤上月因租約問題驚動警方，被踢爆與洋名Heidi的吳姓圈外女友同居，當時黃宗澤趁亂離開，一金髮男子還自稱是Heidi丈夫。早前更有周刊拍下黃宗澤與另一女伴行家具店，Heidi才知感情出現問題。
昨午二時許，本報於太古城發現Heidi與胞妹購物，問她黃宗澤另結新歡，Heidi愈講愈激動。Heidi說：「我都唔知佢係鍾意我定係見我有啲錢至同我一齊。舊年九月透過朋友介紹識佢，十一月拍拖，拍咗四個月，嗰時佢猛講自己好專一，成日打電話同send短訊畀我，我哋拍咗一個月拖就喺埋一齊（同居）。」
Heidi續說：「直至上次單新聞（報警一事）出嚟後，佢就走咗，之後連影都冇。嗰日佢搵朋友認係我老公，搞到我幾核突，警察嚟就閃得咁快，以前佢話會保護我，原來一有事就自己走先，佢個人真係好差，冇良知！食軟飯！唔係男人嚟㗎！」
Heidi更出示黃宗澤近月傳給她的手機短訊，顯示有英文名BoscoWong（黃宗澤）多次傳短訊給她，稱呼她為「老婆大人」。
Heidi說：「嗰次有周刊影到佢同個女仔行家具舖，我至知嗰個女仔係TVB嘅dancer。有朋友話畀我知，佢哋一齊已半年，但佢同我一齊冇話過自己有女朋友，佢一腳踏兩船，明呃我啦！識咁耐，佢從來未試過出錢請我食過一餐飯，住嘅屋每一樣嘢都係我畀錢，連隻狗都係我買畀佢，佢重好意思問我借五萬至十萬，話想買股票投資，𠵱家佢揸緊部車，佢話想投個靚啲嘅車牌，叫我同佢一人一半買車牌，成日想𠱁我落叠，但我就梗係冇畀啦。」二十三歲的Heidi揚言是學生，家人在上海做生意，故有能力獨居及揸平治。
昨晚黃宗澤在將軍澳電視廣播城拍攝《天涯俠醫》，對於被Heidi公開示愛短訊，以前聲稱Heidi是其朋友女友的黃宗澤，終認自己說謊，他說：「我承認係同Heidi拍過四個月拖，亦有send過短訊畀佢，大家拍拖一定有呢啲啦！但我絕對冇問佢攞過錢，拍拖亦冇得計，作為男人，總之我唔想拍完拖講人哋唔好。」
採訪：朱倬誼
攝影：陳慧安、卓美娟
