大班搞私幫生意間公司俾人淋紅油，佢藉機放假去咗轉日本歎世界，但返香港後都未返商台開咪住，事關要同毓民同陳耀南教授做「龍門陣」個騷，大班放假，今日有個特別嘉賓做替工，就係大狀湯家驊。
大家唔好以為湯大狀冇主持節目經驗，因為佢近期逢星期五都會喺網上開咪，為45條關注組個網上電台主持節目，八方唔少朋友聽過都覺得湯大狀表現ok，最掂係佢興起時隨手就拎起支結他自彈自唱，唔少大狀認為湯家驊主持節目係副，趁機過吓唱歌癮先係目的喎。
湯大狀今日做替工，主要講人大釋法問題，相信唔會即席獻唱喇，至於佢係咪去馬直選問題，相信不日就會揭盅，大家拭目以待。
（圖）湯家驊似乎幾享受做電台節目。
傳真︰2623-9278
電郵︰