呢幾日假期香港就興睇《受難曲》，但呢套戲喺美國已經上咗好耐，所以喺過去一個周末，《受》片只能佔美國票房第六位，而冠軍就輪到新上畫、改編自有名漫畫《Hellboy》，收二千三百五十萬美元（約一億八千三百萬港紙）；至於亞軍都係新片，就係摔角手TheRock嘅《以暴易暴》，收一千五百萬美金（約一億一千七百萬港紙），淡季有咁嘅成績算幾好啦。