OMEGA款式多得嚇人，真係記都記唔晒。其中經典博物館系列專門復刻過去百年經典，2001年有復刻1938年的飛機師表，今勻就有復刻1951的Cosmic方形表殼手表。其實Cosmic手表最初於1947年推出，是在當時瑞士鐘表史上留名的經典名作，它是首枚可同時顯示時間、日期、星期、月份及月相盈虧的手表。就是在半個世紀之前，此作已能採用一根小針，透過表殼內的小鍵位，來改動時間、日期、星期、月份及月相盈虧。你要知道，機械表鏈一盡所有部件都會停止運作，如果單靠表冠調校番晒時、分、秒、日、月、星期，真係扭到天荒地老。
復刻Cosmic保留一切原版外形，包括懷舊到痹嘅淚滴形表托，配以蛋白石銀色表面。而要追到現代人貪方便需要，手表棄用了原裝手上鏈機芯，採用2601自動機芯。值得一提，全球首150枚，只限香港及中國地區發售。$69,300
記者：何兆彬