大家都對李嘉誠紅顏知己、TOM集團大股東周凱旋十分好奇，但始終冇乜機會同佢做訪問深入了解吓，惟有睇國內行家點講。最近睇新華網報道，話周小姐嘅巨額財富原於兩個大人物：一個係全港最有權嘅董建華，另一個係全港最有錢嘅李嘉誠。周小姐同時得到兩位男士賞識，的確唔簡單。
篇報道話喺八六年，周小姐首次學做生意，為英國老闆去西安傾倫敦兵馬俑展覽，用咗兩個星期就搞掂，而佢更憑自己經營嘅兵馬俑紀念品，賺到第一桶金，同時又識埋「第一個關鍵性朋友」——特首表妹張培薇，兩個人旋即成立維港公司，第一單生意係賣散水泥運輸船到廣西。後來周小姐得到董生信任，參與發展東方廣場，而最最最關鍵，就係因為呢單交易，佢得到四億顧問費，同埋識左超人呢個知己，直情係將人生推上最高峯啦！
（圖）周凱旋係靠賣兵馬俑紀念品起家嘅。
傳真︰2623-9278
電郵︰