自從李家祥宣布不再參選，好多人都諗早餐派會因群龍無首而要收工；不過，政治呢碗飯咁誘人，就算係火坑都大把人爭住跳。八方聽聞，唔知係咪因為詹培忠嚟料，陳智思就好有意思做召集人，重希望早餐派喺九月後有多啲作為。
係人都知，如果九月份民主派大勝，獨立議員雖然只有幾票，但足以舉足輕重，所以陳智思去馬，唔係空想，問題係到時有幾多個冇黨派人士可以勝出先至重要。
八方問陳智思，睇嚟佢一定選，而且贏面高，呂明華、石禮謙亦相信問題不太，其他勞永樂同何鍾泰肯定有強勁對手，吳亮星就重未有知循邊個界別出選，你話係咪危殆。當然選舉要到最後一分鐘先知結果，陳智思就好想方敏生呢類有得傾講嘅曖昧人士參選；不過，方敏生同羅致光好老友，唔知最後會唔會答應。
傳真︰2623-9278
電郵︰