除了PTCruiser，美國佳士拿汽車好少喺香港發售新車，但隨住廠方快將推出全新CrossfireRoadster開篷跑車，佳士拿便成為近期新車榜的焦點。
記者：鄭達基
全新佳士拿CrossfireRoadster開篷跑車嘅造型，比原有Coupe版來得更有跑味，因其擁有一個極為流線型嘅車體設計外，廠方更特別為其裝配一個開關需時僅為22秒、兼且開關容易嘅篷頂作配搭，從而讓你及車上乘客可盡享開篷駕駛樂。引擎配搭方面，廠方亦為新車選配一台3.2公升V6SOHC引擎作骨幹，馬力輸出達215ps/5700rpm，加上高達31.6kgm嘅扭力峯值，於引擎處於3000rpm時發出，性能表現可謂毋庸置疑。
車廂鋪排亦顯現出一派高性能開篷跑車韻味，以一雙高級真皮跑車桶椅作配搭外，內裏又有齊各項豪華配備（如原廠冷氣及高級音響等等），乘坐妥貼又舒適。與此同時，新車又裝有前輪18吋、後輪19吋嘅高性能輪胎組合，配合多套先進電子系統，循迹性之高予人十足信心。