早前有報道指章小蕙為博免費減肥，向瑪花纖體送秋波𢱑撈，但遭對方嫌形象差拒絕。曾聘請章小蕙的修身堂老闆張玉珊，前日出席時裝展時暗示與章小蕙難溝通，又表示歡迎章小蕙畀錢做其客人。
導演楊凡早前邀請章小蕙拍攝新片《桃色》，但有報道指楊凡嫌章小蕙身形略胖，所以拍攝無期，故章小蕙不惜割價欲擔任瑪花纖體的代言人，但遭對方以其負面新聞多為由拒絕。
修身堂老闆張玉珊前日與新代言人、「翻版常盤」徐自賢結伴出席I.T代理的日本品牌TsumoriChisato時裝展，眾模特兒包括LisaS.穿着新裝行騷，令人眼前一亮。
提到曾擔任修身堂代言人的章小蕙與瑪花的是非時，張玉珊說：「唔關我事，我哋合約完咗啦！」問她可會重新聘請章小蕙任代言人？她說：「世事難料！」
有傳章小蕙約滿修身堂後，獅子開大口叫價，最後鬧得不歡而散，張玉珊似有弦外之音說：「可能我個人太熱情啦，鍾意準備晒所有嘢畀代言人，不過未必個個同我一樣咁諗、溝通到，我同Josie（何超儀）、恬妞佢哋都相處得好好，Josie約滿都一樣係好朋友。」至於現在有否贊助章小蕙？張玉珊即說：「冇，好耐冇啦！不過，歡迎佢做我客人！」
而十九歲的落選華姐、「翻版常盤」徐自賢則坐在老闆張玉珊身旁，徐自賢說：「我𠵱家減咗啲babyfat，減咗大約三、四磅，得番一百零六磅左右。」張玉珊更隨即公布徐自賢的三圍數字為三十四、二十四、三十四。
另外，在I.T擔任時裝造型工作的徐濠縈則表示：「做咗三、四個月，好開心，因為真係有興趣！」對於早前陳奕迅為她平反「大花筒」之名，她說：「佢錫我啫！其實鍾意時裝嘅都係大使㗎啦！」
