張偉文前晚在伊館舉行尾場個唱，並請來汪明荃及薛家燕擔任嘉賓，兩位阿姐大鬥性感，成為全晚高潮。而捧場嘉賓黃夏蕙也不執輸，到台前獻花索吻，令全場觀眾驚叫大笑，搶盡風頭。
張偉文一連兩場在伊館舉行的演唱會前晚圓滿結束，除了肥媽及胡美儀擔任表演嘉賓外，汪明荃及薛家燕也齊齊以一身性感舞台服亮相，可謂寶刀未老。
前晚薛家燕穿上一身橙色服裝擔任壓軸表演嘉賓，好姨甫見張偉文即親吻他說：「你啲肉重滑過黎小田，你係唯一一個唱好女人嘅歌手，女人真係好可愛，所以我唔收錢都做嘉賓。」
而擔任神秘嘉賓的汪明荃出場時以粉紅羽毛遮臉，當觀眾發現是阿姐時，即時全場歡呼。阿姐穿上一襲黑色透視晚裝獻唱懷舊金曲，掀起整晚高潮，阿姐說：「張偉文天生一副好歌喉，多謝你還我心願可以畀我同你合唱。」
而張偉文表演期間，捧場的黃夏蕙忽然走到台前獻花及索吻，因她當時背對觀眾席，觀眾並無特別反應，但當黃夏蕙轉身返回座位時，全場觀眾即時發出驚叫聲，然後便轟然大笑起來，張偉文說：「多謝夏蕙姨，佢每次出場都惹嚟哄動嘅。」
阿姐事後接受訪問時一臉疑惑地說：「黃夏蕙會唔會獻花畀我呢？佢以前已經好鍾意獻花，成日捧林冲同青山場。」有指黃夏蕙經常在看演唱會中途睡覺，阿姐聞言笑說：「佢年紀大嘛，可能係養神啫。」
採訪：駱華齡
攝影：陳偉權
