謝霆鋒、陳冠希（Edison）和湯鎮業主演的電影《新紮師兄》於本月中上映，該片是由同名的經典電視劇改編，原本由梁朝偉飾演的張偉杰，電影版就由霆鋒擔演，而由劉青雲演出的Fit佬就由陳冠希飾演。導演王晶今次與Edison合作，因拍攝一場扑穿頭戲，令他對Edison的印象完全改觀。
此場戲講述Edison與霆鋒要找仇人湯鎮業復仇，怎料反被湯鎮業用磚頭打到變豬頭，王晶表示：「雖然當時只係用沙磚代替堅硬嘅紅磚拍攝，但咁扑咗嘢都幾係㗎，初時我唔知Edison咁傷，但拍完個鏡頭，我見佢一邊面腫晒，咁我即刻搵工作人員買藥膏畀佢搽，呢個後生仔真係幾專業。」
被導演稱讚，Edison當然開心，他說：「其實唔係好大件事，雖然拍攝時有啲痛，我都冇同大家講！因為拍戲跌傷、碰瘀嘅事成日發生。」
