梁詠琪（GiGi）、陳慧琳（Kelly）、楊千嬅和容祖兒（Joey）四位樂壇姐級人馬，前晚齊齊為《護苗基金星輝夜》一起演出，未知是否因為GiGi和Kelly均是高妹一族，千嬅與Joey為免平排站立時被比下去，所以齊齊穿上三、四寸高的高跟鞋，但二人竟不約而同看中Victor&Rolf高跟鞋，只是千嬅穿的是紅色，Joey穿的是黑色而已。
對於撞鞋事件，千嬅和Joey同聲表示不感尷尬，而且二人更揚言有機會會購買對方揀選的顏色。千嬅說：「我係一季衫訂返嚟，自己都唔知有黑色，早知有黑色我就買埋黑色啦！撞鞋有乜所謂啫？黑色都好靚吖，Joey好識襯衫，佢襯得好靚吖！」
問千嬅是否怕身形輸蝕所以刻意穿上數吋高跟鞋時，她否認說：「其實自己只係想着紅色啫。」
此外，有報道指羅文前助手阿東在JPG時裝店當售貨員，Joey表示不清楚說：「係阿東叫我去JPG掃貨，我都唔知佢喺度做。」