香港社區組織協會今年籌募經費，邀請到政治反斗漫畫家尊子製作一千五百隻諷刺時弊、反映現實嘅「公義瓷碗」義賣，並且希望借尊子嘅漫畫帶出教育意義。社協噚日喺沙田新城市廣場搞咗個攤位，發售首批六十隻「公義瓷碗」，一百蚊一隻，唔使一個鐘就被搶購一空，社協組織幹事霍天雯話，由於製造商起唔切貨，惟有叫啲向隅嘅市民訂購住先。不過，買唔到瓷碗嘅市民都冇失望，紛紛搵尊子簽名同畫親筆畫。嘩，一個敢於用畫筆做武器嘅政治漫畫家，都變咗偶像，今年九月直選有乜結果，都唔敢諗咯。
（圖）尊子公義瓷碗，首批六十隻唔使一個鐘就賣晒。
傳真︰2623-9278
電郵︰