如果你係越野路華（LandRover）嘅Fans的話，就要密切留意將於4月7日舉行嘅美國紐約車展喇！事關有望響今年底前登場嘅全新Discovery3，會於場內作首度曝光！
記者：鄭達基
呢款會於歐洲及其他地區稱為Discovery3嘅新車，喺北美地區會稱為LR3，其造型屬全新配搭，但整體看來卻予人帶點同廠至頂級嘅車系RangeRover嘅影子，其中一組頭燈及鬼面罩嘅設計就最能將呢個特點展露出來；與此同時，廠方又特別將新車嘅車門，採用上較闊大嘅設計，從而方便乘客進出車廂！
至於車廂方面，空間亦會比現有型號來得寬敞闊落，就連表板及中控台等部份都屬全新設計，從中予人一份耳目一新嘅感覺；不過，全車最惹人注目嘅地方，會係廠方特別為用家提供多個引擎配搭作選擇，當中包括全新4.4公升V8型號、4.0公升V6型號，以及一台2.7公升V6柴油Turbo偈，性能表現毋庸置疑，加上多套先進電子系統，如HillDescentControl，以及全新嘅TerrainResponse系統等等，咁就算遇上任何路面情況都無有怕啦！
