近排好熱鬧，多個報業比賽獎都係呢個時候公布，香港攝影記者協會主辦嘅《前線‧焦點2003》新聞攝影比賽亦有咗賽果，蘋果日報三位攝影同事都有獎項，鄭逸宇取得突發新聞組冠軍、黃賢創取得自然與環境組嘅冠軍，而梁祖彝就攞咗特寫新聞組季軍。
三位同事都話攞到獎梗係開心，取得突發新聞組冠軍嘅鄭逸宇就話，張相係舊年喺台北市鬧市拍嘅，嗰個手持利刀嘅男子因離婚問題挾持住個女坐喺天橋上邊，「嗰男人一時做幾吓動作想拋個女落嚟咁，一時又𠝹吓自己隻手，當時我急到鬧台灣啲警察點解個氣墊開咁耐都開唔到」。
傳真︰2623-9278
電郵︰
