名模琦琦前晚到尖沙嘴拍攝首飾廣告,其夫任達華昨晚在金像獎競逐影帝,但她卻因怕淚灑當場,寧可留在家中替夫君打氣。更謂若華仔得獎,將請他歐遊慶祝。
名模琦琦前晚以代言人身份,到尖沙嘴拍攝全新Omega首飾廣告。琦琦丈夫任達華早前憑在電影《PTU》中的冷酷機動部隊隊長角色,在金紫荊獎中勇奪影帝,更成為金像獎「最佳男主角」的熱門,但琦琦昨晚沒有出席金像獎頒獎典禮。
琦琦說:「我怕醜,都係留喺屋企為佢打氣好啲,我好緊張,去到重驚。我平時睇奧斯卡,見到人哋得獎都會感動到喊,今次真係唔敢去,我驚到時失控。我唔係娛樂圈嘅人,做乜都係喺背後為佢(丈夫)加油。」
問琦琦若任達華得獎,會如何慶祝?她說:「上次(金紫荊)喺紐約已經買咗好多禮物,月中又成班人去泰國玩,如果再得獎,我要請佢去歐洲先得。不過得獎係要天時地利人和,努力加運氣,入圍已經好好。」琦琦表示看過《PTU》五、六次,盛讚導演杜琪峯乃全港最出色導演。
而琦琦前晚穿上青綠satindress及Gucci金裝,佩戴多套「Symbole」及「Griffes」鑽飾。首飾以Omegalogo為造型主題,線條簡約時尚,當中一枚價值一百七十多萬的星座華貴18k黃金鑽表,鑲上粉紅sapphire、鑽石,閃耀華麗金光。
採訪:RitaLeung
攝影:EdwardChou