【本報訊】今屆香港電影金像獎頒獎禮，劉德華和張栢芝以大熱姿態奪得「最佳男、女主角」，華仔乃第二次封帝，而栢芝更以二十三歲之齡奪影后榮譽。栢芝表示自己入行六年，有四年在片廠度過，可見她為電影亦付出不少。二人合演的《大隻佬》亦奪得「最佳電影」，而《千機變》則奪得六個獎項成為大贏家。 記者：何永寧、陳月萍
第二十三屆香港電影金像獎頒獎禮於昨晚假尖沙嘴文化中心舉行，出席的嘉賓有特首董建華、立法會議員霍震霆、何超瓊、何超儀、劉德華、張學友、劉青雲夫婦、張栢芝、朱茵和吳彥祖等，場面星光熠熠。
榮獲「最佳女主角」的張栢芝在台上講述得獎感受時，說了一大堆多謝名單，惜獨漏了一人，此人正是頒獎給她的劉德華，雖然華仔不停指着自己的鼻子，要她多謝自己，但由於他站在栢芝身後，故栢芝忘記了。
張栢芝事後接受訪問時說：「我之前都冇緊張，拍戲咁多年，攞獎唔係唯一嘅關鍵。我攞獎冇流過一滴眼淚，我要多謝所有支持我嘅人同導演，好多謝周星馳，喺我寂寂無聞嘅時候搵我拍戲，當時我重係一張白紙，多謝原島大地，冇佢我冇演得咁好。」栢芝表示她剛從北京返港，只睡了幾小時，身患感冒，喉痛聲沙，不過她說：「我即使輸都會嚟，我見公司之前準備咗好多禮物，好秘密，話我贏咗會送畀我喎，今年係我最難忘，一年內得咁多獎，一生人冇乜咁嘅機會。」
劉德華憑《大隻佬》奪得影帝，他的fans十分高興，在台下大叫「IloveYou」，而華仔聽到後亦回應說：「ILoveYoutoo,ILoveYouall」，𠱁得現場fans十分開心。劉德華接受記者訪問時說：「今次攞獎同上次一樣咁興奮，金紫荊嗰陣個個都過嚟拍我膊頭，話我一定得，所以今次我想多謝所有人，包括提名對手，其實我真係冇壓力，就算輸咗都冇所謂。」
杜琪峯導演的《PTU》事前被看好為「最佳電影」及「最佳導演」的大熱門，他果然憑此部戲得「最佳導演」獎，而他與韋家輝合導的另一部片《大隻佬》卻為他贏得「最佳電影」。昨日杜琪峯因為要開工拍戲，沒有親自出席頒獎禮，記者致電恭賀他，杜琪峯表示：「兩部戲為我帶來兩個榮譽，首先多謝李國興肯畀我用成兩年時間拍《PTU》呢
憑《豪情》取得「最佳女配角」的何超儀，接受訪問時說：「好開心、好興奮，真係料唔到可以憑《豪情》得獎，我係比較開心，因為趙啷啷個角色自己幾鍾意，希望以後能夠有更多導演搵我拍戲。今晚老公（陳子聰）因為做嘢冇嚟，但頭先已經傳咗短訊畀我，頭先上台攞獎時，漏咗好多人唔記得多謝，希望朋友唔好見怪。」
甄子丹擔任動作指導的《千機變》共得到「最佳剪接」、「最佳美術指導」、「最佳動作設計」及「最佳視覺效果」等六個技術性獎項，成為大贏家。
此外，昨日有不少讀者致電本報，認為無綫直播金像獎，經常中斷了得獎者的得獎感受播廣告，不尊重得獎者，他們亦表示會致電影視處投訴。而當節目完畢時，著名動作指導董瑋在現場向工作人員投訴說：「TVB真係離譜，咁樣cut晒人哋。」金像獎主席文雋昨日亦炮轟無綫中斷播出，並表示會正式去信同TVB反映。
