古天樂及梁詠琪（GiGi）昨日到奧海城出席電影《戀情告急》宣傳活動，二人均表示看好張栢芝能奪取金像獎「最佳女主角」獎。不過當記者問到GiGi看好誰人能奪取女配角一獎時，未知她是否擔心要談及有份角逐該獎項的邵美琪，GiGi忽然顧左右而言他，更把話題扯到自己的唱片上。
梁詠琪昨日在奧海城出席電影《戀情告急》宣傳活動，談及昨晚舉行的香港電影金像獎頒獎禮，她表示希望劉青雲及張栢芝能成為影帝及影后，不過對於記者問及她有關「最佳女配角」的問題時，GiGi即不停自說自話，不讓記者有機會繼續發問。未知GiGi是否不想談及有份角逐最佳女配角、曾和她男友鄭伊健拍拖的邵美琪而扯開話題。
GiGi說：「我冇睇晒女配角啲戲喎，不過我希望自己啲歌可以攞獎啦，而且今晚董特首都去，希望佢到時見到金像獎搞得有聲有色，對電影界畀多啲支持啦。」
其後GiGi又將話題扯到自己的工作上，她續說：「我之後就會籌備唱片同電影宣傳，我同阿Sa（蔡卓妍）喺戲入面有親熱場面，嗰場戲係講阿Sa主動錫我，不過就係蜻蜓點水式，我覺得佢做得好放呀。」
此外，古天樂亦表示希望張栢芝及劉德華能奪獎，他說：「我今晚因為要做嘢所以去唔到，如果《忘不了》攞獎嘅話我都會去慶功。」問到古仔有否渴望能取得電影獎項，他表示：「我當然希望攞獎啦，不過我覺得上台攞獎會有好大壓力，因為我都唔知上到台應該講乜。」最後，古仔對於無綫減騷一事，他覺得會影響員工士氣，他說：「我覺得公司應該體諒大家做嘢咁辛苦，同埋成件事最影響嘅係大家嘅士氣。」
採訪：何永寧 攝影：陳偉權
