董建華見學生仔同去立法會就冇時間，但係噚晚竟然自告奮勇擔任金像獎頒獎嘉賓，佢到場嗰陣，冇歡呼聲亦都冇噓聲，實行以沉默來含蓄抗議。
大會司儀黃子華，喺台上明郁董老咁話：「𠵱家香港最煩惱係乜？董生喺度，董生就最了解，好多政治爭拗，搞到我哋啲小市民好迷惘，所以我哋拍咗套《向左走，向右走》。」
子華講完之後全場拍手掌，就連董建華都笑笑口拍手掌，唔知係咪用笑嚟遮掩尷尬呢？
唔單止黃子華，就連許冠英講說話都好有骨，佢話去到會場見到紅地毯，唔知究竟做乜東東，怕整污糟紅地毯，所以只敢喺地毯側邊度行，到後來入到會場見到董生喺度，先至知道紅地毯係畀董生行嘅。
心水清人士更話TVB好識做，吳思遠喺台上同特首互相擦鞋嘅虛偽對白完全唔cut，全本播足，其他得獎者就冇咁好彩。
（圖）老董噚晚擔任金像獎頒獎嘉賓。左為香港電影導演會會長吳思遠。
傳真︰2623-9278
電郵︰