李嘉欣被傳今年初與內地傳媒大亨、現年三十五歲的富豪覃輝秘密訂婚，又指二人在北京「天上人間」夜店舉行訂婚派對，更廣邀內地官員出席。
李嘉欣昨晚出席護苗基金活動時，顯然有備而來，用微笑否認訂婚，嘉欣說：「冇啲咁嘅事，我冇婚約在身，仍然係單身，唔知點解有啲咁嘅傳聞出現。」不過嘉欣表示認識覃輝，她說：「只喺公開場合見過，人哋介紹嘅。」那與對方可有發展機會？李嘉欣肯定地說：「我睇唔到有！𠵱家好享受單身生活，真係唔想有日又出現話剛果富豪同我有婚約。」
問嘉欣是否特別抗拒富豪？她說：「我好獨立，唔需要任何人、要乜身份，若果有誠意又溝通到，打工仔都得，我都係富豪啦。」她更強調有追求者，但現階段不考慮結婚或訂婚。
採訪：王崇穎
攝影：何國豪、林德雄