今晚舉行的香港電影金像獎頒獎禮，雖然影帝影后大熱人選為《大隻佬》的劉德華及《忘不了》的張栢芝，不過杜琪峯執導的《PTU》則極有可能成為今晚的大贏家。
第二十三屆香港電影金像獎頒獎禮於今晚舉行，大熱得獎名單亦愈來愈清晰，其中最受矚目的「最佳男、女主角」，呼聲最高分別是《大隻佬》的劉德華及《忘不了》的張栢芝，《PTU》任達華的票數與華仔亦相當接近，而「最佳電影」和「最佳導演」兩個獎項，則幾乎肯定是《PTU》導演杜琪峯的囊中物。
栢芝今年已憑《大隻佬》及《忘不了》先後奪得電影評論學會以及金紫荊頒獎禮的「最佳女主角」獎項，她昨日接受本報電話訪問時，對於自己成為影后大熱一事回應說：「其實可以入到圍，我已經好開心，之前攞咗電影評論學會同金紫荊兩個獎，已經對自己有交代。今年係豐收嘅一年，如果可以攞到金獎像影后我梗係開心啦，不過就算攞唔到，我都唔會唔開心，因為已經得到大家嘅認同，我覺得已經交咗功課。」
劉德華昨日在電話中說：「有認同我梗係好開心，其實我之前一路希望任達華可以得影帝，卒之佢喺金紫荊攞咗，今年入圍嘅男主角都喺唔同嘅頒獎禮得過影帝，大家可以抱住開心嘅心態去出席支持，有獎梗係開心，冇我都會戥人高興，而且入到圍已經係大家心目中嘅影帝級啦。」
杜琪峯昨日接受本報電話訪問時說：「攞唔攞獎唔係自己可以控制到，始終係由評審評定。我拍戲，最緊要對老闆有交代，觀眾又睇得開心，攞唔攞獎就隨遇而安啦。」
此外，昨日劉偉強、馬偉豪、馮小剛、陳可辛及黃真真等導演到尖沙嘴出席「金像獎之香港與中國電影更緊密關係研討會」，劉偉強提到影帝影后心水，他說：「女主角我揀劉嘉玲，但牌面應該係栢芝，男主角就鎮宇同劉德華叮噹馬頭，男配角應係杜汶澤，女配角係邵美琪。」而金像獎主席文雋在場刊內為其腳底按摩及麻辣火鍋店賣廣告，將金像獎獎座放入火鍋及竹筒中，被指對大會不尊重，文雋說：「幽默啫，董事局
