早前於中環被兩名少年毆打、現已傷愈的陳冠希(Edison),昨日凌晨與外籍友人到中環蒲吧,但因違例泊車而被抄牌。昨日Edison又與李克勤及容祖兒等,到葵芳出席「選民新生代」活動。
早前於中環被兩名少年打傷的陳冠希,昨日凌晨抽空與外籍友人到中環Fly酒吧消遣,Edison將其座駕泊在擺花街,因違例泊車而被抄牌,罰款三百二十元。
昨日約凌晨二時,Edison與友人離去,由於二人繼續向蘇豪區方向步行,估計他們還有節目,不過當Edison發現有記者拍照,便即時折返取車離去。問Edison最近忙甚麼?他笑笑口說:「咪行嚟行去囉!」再問他的傷勢如何?他說:「冇事啦,好番晒啦!」最後,當記者告知他被抄牌時,他聳聳肩後便與友人登車離去。
昨日Edison與李克勤、梁詠琪、容祖兒和Boy'Z到葵芳出席「選民新生代」活動。終審法院不接納謝霆鋒頂包案的上訴申請,身為好友的Edison對此說:「呢啲唔關我事,不過我當然希望佢冇事啦!」日前有周刊指Edison位於銅鑼灣的時裝店會於清明節開幕,Edison昨日對此回應:「咁你哋咪自己落去睇吓係唔係囉!」
另外,李克勤則主動澄清劉德華沒有叫他過檔,他說:「華仔向來只係叫我去打保齡,同埋我已經同環球續咗約。不過華仔係唔係自組公司我就唔清楚啦!」
緋聞男女傅珮嘉與Boy'Z的Steven被記者要求合照,Steven即找Kenny一起合照,傅珮嘉說:「一齊合照當然冇所謂啦,但我唔知人哋點諗。」
而容祖兒前晚綵排護苗活動時,被問及唐文龍有意追求她一事,她說:「我睇完得啖笑,佢個人好有風度,有次我話凍,佢就除咗件衫畀我着。」
採訪:駱華齡、李珮洳
攝影:何國豪、娛樂突發組