張國榮逝世剛過一年，曾與他相戀的毛舜筠前晚表示一直未能接受舊愛去世的事實。毛毛又直指張國榮的蠟像不似真人，故不會前往欣賞。
張國榮（哥哥）一周年死忌後，昨日是其歌迷第三日為他舉行悼念活動，於九龍灣國際展貿中心舉行「追憶張國榮的藝術生命研討會」，而文華酒店和張國榮的加多利山故居，則續有歌迷到場獻花及拍照。曾與張國榮拍拖的毛舜筠，前晚則與鍾鎮濤、方力申及鄧麗欣等到尖沙嘴出席《嘩啦嘩啦漂流記》首映禮。
提到張國榮逝世已過一年，毛毛感觸地說：「呢一年內我都逃避，唔想接受事實，好似學友話齋，我只當佢去咗第二度。我一直唔敢聽佢嘅歌，唔敢睇佢嘅戲，𠵱家進步咗，都有聽番歌，睇番我同佢一齊拍嘅《家有囍事》，但唔可以細味啲內容，唔可以諗番當時情景。」
毛毛表示要向張國榮的歌迷道歉，因近日不少歌迷欲訪問她有關與張國榮相處及拍拖的情況，但都因她不想提起而婉拒。問到毛毛會否往山頂欣賞張國榮蠟像，她說：「我睇電視都覺得唔似哥哥，個樣好混血兒咁，我唔打算去。我係基督徒，所以都唔會去拜佢，我同唐唐亦冇聯絡㗎。」
而昨日在九展的研討會，請來莫文蔚母親，即兒童癌病基金主席莫何敏儀、《異度空間》導演羅志良及三位對張國榮甚有研究的歌迷出席，回憶他的生平軼事，吸引七百歌迷到場參與。
莫太接受訪問時說：「我會回憶哥哥嘅開心事，佢嘅內在人格同品味都好靚，做慈善佢實參加，我日日都掛住佢，但唔需要成日提，喺心入面就得。」莫太自言沒有往拜祭張國榮，因不想太刻意。
採訪、攝影：胡比、何永寧
