今日係四月四日，既是兒童節，又是清明節，更是香港特別行政區基本法通過十四周年。
對於七百萬香港人嚟講，呢個日子唔係好日，因為回歸六年幾，經過咗二千四百多日，北京仍然唔信香港人，唔肯放手畀港人真真正正當家作主管治香港，《基本法》釋完又釋，當年嘅承諾去咗邊？乜嘢「五十年不變」之類嘅說話，已經「唔存在」喇！
有人笑說，中國人早就明白民無信不立，民為貴嘅大道理，但係時至今日，中國人嘅社會仍然無法同文明進步，人權、民主、自由、法治，可謂「四大皆空」，今日去到墳地，都唔知有乜同祖先稟告咯。
至於下一代班細路，分分鐘人大一釋法，佢哋未來就凍過水，諗到呢度，兒童節都無謂慶祝啦。共產黨一味拖住香港人隻腳，老董同煲呔班官只識擦鞋，中央真係無條件救港？港人就真係無私心去賑災。算啦，講番轉頭中央都唔會記得八○年開放改革，邊個率先回國投資設廠，係咪？
傳真︰2623-9278
電郵︰