立法會九月之爭已經如箭在弦，北京先喝停上街嘅五十萬港人唔好妄想，係咪普選特首，係咪取消立會功能組別，一切都要睇中央眉頭眼額。
另方面，為要穩住立會控制權，各路人馬亦蠢蠢欲動，早前就有消息話渣打王冬勝有意挑戰東亞李國寶，開始同人食吓飯，問吓路，後來重加入埋老董之友陳啟宗嘅香港論壇，似乎好有部署，點知八方最近再去打聽，原來王冬勝已經打退堂鼓，係人都知寶Baby唔單止喺香港吃得開，有好多fan屎；喺北京，佢一樣地位超然。
有人私下都問過王冬勝係咪參選，佢嘅答案係除非形勢有變，否則都唔會去馬，言下之意係除非寶Baby唔選，佢先會諗。其實要寶Baby唔選都唔係冇可能，因為真係有人建議寶Baby去直選，話佢贏梗；不過，寶Baby咁聰明，點會同啲民主派爭，捨易取難呢！
（圖）王冬勝一早為選立法會做好部署，點知臨陣打退堂鼓。
傳真︰2623-9278
電郵︰