梁朝偉昨日以「熊貓保育大使」身份，到海洋公園出席「親親大熊貓派對開幕禮」，並穿上醫生袍及手套示範如何鋪竹葉餵飼熊貓。
偉仔表示近日正趕拍電影《2046》，趕及參與康城影展，他說：「都拍得差唔多，可能最後一日都趕緊戲，導演先知爭啲乜嘢，王家衞一向都追求完美。」
雖然今屆無緣角逐金像獎「最佳男主角」獎，但偉仔明日亦會出席頒獎典禮，偉仔昨日說：「好少以做觀眾嘅心情去睇，都係平常心啦！我個個都睇好。」至於女友劉嘉玲有份入圍「最佳女主角」，偉仔說：「佢做得唔錯，我唔係評審，唔知有冇機會，都係七分努力三分運氣啦！佢喺上海拍緊劇，唔知趕唔趕得切返。」
提到今屆金像獎將公布三甲分數時，偉仔說：「刺激啲咪好玩啲，腎上腺素都標高啲，我有時都想知㗎，好似康城嗰啲，我都想睇吓輸幾多。」
採訪：駱華齡 攝影：陳志嵐