一轉眼，舊年喺沙士肆虐期間出世嘅郭翔星今日就滿一周歲，眾人契媽李麗娟已經準備好去淘大同郭家一齊為郭弟弟慶祝，到時重會有一、兩個特別嘉賓。
如果大家唔善忘，都會記得溫家寶總理舊年六月底來港慶回歸，抱住福大命大嘅郭BB，一副慈父嘅樣子，當時溫總重話郭弟弟一出生就經歷咗磨難，長大一定會好有出色。
李麗娟話郭弟弟肥肥白白好趣怪，已經出咗幾隻牙仔，時近復活假期，李麗娟約咗三十位沙士孤雛同家人去海洋公園玩，Shelly話，一定要多謝胡經昌呢位熊貓基金會嘅負責人，班小朋友可以喺後日早上同大熊貓食早餐，有得玩又有得食。
（圖）舊年溫總去淘大探郭家，一邊手抱BB，一邊聽郭家姐彈琴。
傳真︰2623-9278
電郵︰