著名軍事小說家TomClancy's嘅遊戲作品，一直都手執軍事Game之牛耳，諸如《RainbowSix》及《GhostRecon》系列，更係機迷必玩系列。不過論人氣，另一作品《SplinterCell》就以全球360萬隻的銷量，成為現時最「紅」槍Game。新作《SplinterCellPandoraTomorrow》（下簡SCPT），PC版剛推出，論好玩、聲畫質素，都有大幅度提升，最正新加Online對戰模式，瘋癲程度比第一集更高！
記者：朱崇德
一般超大作遊戲，先可以作跨平台推出，最新一集嘅《SCPT》當然係當中表表者啦！PC版（$280）已經正式在今個星期推出，XBOX（$299）版亦剛於4月1日推出，而且預計PS2同GC都會有得玩，真正係好Game人人玩。
今集主角一樣係SamFisher，故事延續上集扮演美國國安局屬下的黑暗行動小組的特務探員，時間就發生在未來的2006年，由於自認「世界警察」的美國又多多事幹，介入東帝汶的地區紛爭，引發印尼游擊隊領袖Sadono以天花病毒襲全球的報復行動。遊戲玩法同上集一樣，玩家要好似「小強」上身咁，唔俾人發現嘅情況下潛入敵陣，偷取情報資料、救出重要人物，以解除恐怖危機。要注意係主角手執的是一支善良的槍，胡亂開槍會引起敵軍的發現而令任務失敗，所以相對地緊張氣氛會隨遊戲推展而提升，確是少見有張力嘅Game。
Online對戰是系列中首度加入，每次最多可以容納4名玩家，玩法亦非常創新，使用了槍Game中從未有過的「貓捉老鼠」模式；其中兩名玩家需扮演「間諜隊」，手上只有殺唔死人的電槍（但可令人停頓活動能力數秒），但就要以SamFisher的潛藏技能，深入布滿警報器的敵陣，解除生化武器的炸彈；另外兩名玩家就扮演「僱傭兵」，主要職責是守着這些炸彈，不過手執的卻是殺人唔眨眼嘅實彈槍。為咗平衡兩者間的差距，所以「間諜隊」使用了可以看清周圍環境的第三身視點進行，相反「僱傭兵」就只可使用第一身視點，顧得前時又顧唔到後！
「僱傭兵」好似佔優，不過筆者上過外國Server經驗，玩家享受玩「間諜隊」多啲，因為背後偷襲、用電槍電到兩隻貓唔郁得，呢種侮辱式玩法絕對係超高手的最高享受！
100張大海報等你攞
《SCPT》全球銷量與口碑均不俗，好多Fans都想收藏相關產品。而《蘋果日報》讀者只要拎住今日本版，到灣仔DreamStore，就可以免費獲得《SCPT》大海報一張，名額100份，數量有限，送完即止。
換領點：DreamStore 查詢電話：25753285
地址：灣仔東方188商場256號舖
遊戲類型：射擊＋動作
對應機種：Windows、XBOX
遊玩人數：1人（支援Online）
開發商：UBISOFT
(c)2004UbisoftEntertainment.ALLRIGHTSRESERVED.
