趙世曾昨日偕女友Wendy往上海，出席弟婦何琍琍新食肆開幕。趙世曾透露Wendy現於其內地公司任職，更謂已「私訂終身後花園」，並叫傳媒喚Wendy作趙太。 記者顏英儀、陳慧安上海直擊
趙世光太太何琍琍投資的食肆百合居昨日在上海開幕，趙世光與兩女兒式明、式和均有露面，新世界集團主席鄭裕彤則任剪綵嘉實。
素來與胞弟趙世光感情淡泊的趙世曾，昨日亦偕女友Wendy赴會，兩人在鮮花砌成的拱門前合照，被何琍琍指兩人像一對夫婦。
趙世曾昨日透露已安排女友Wendy在其內地投資的公司任營業及公關經理，專責內地的地產生意，他說：「Wendy做咗六個月，薪水比普通員工高十倍。我哋多咗工作上嘅溝通，更加了解對方。」問他感情加深至甚麼程度？他說：「我哋可以話私訂終身後花園呀，你哋可以叫佢做趙太啦。」
問趙世曾會否像以前與TerriHolladay一樣，搞海陸空婚禮？他說：「嗰啲係以前嘅事，我哋係講求心意相通，如果感情唔好，簽一百張紙亦冇用。」
問趙世曾與Terri所生的兒子Roman是否可叫Wendy做媽咪？他說：「做趙太唔等於係Roman媽咪。會唔會分身家？梗會啦，睇表現啦。」問他會否分一半身家給Wendy？他卻說：「咁又唔得。」
趙世光昨日則大讚妻子何琍琍經營食肆生意有成績。至於其紅顏知己譚玉梅亦表示進軍上海飲食業，趙世光則說：「今日唔講呢啲嘢。」
