傅珮嘉（Maggie）將於本月尾推出個人大碟，所以近日她積極做運動練氣，務求以最佳狀態示人。平時看似斯斯文文的Maggie，原來十分熱愛運動，她說：「我最鍾意跑步同做高溫瑜伽，不過我好怕跑步跑得多會腳粗，因為女仔始終貪靚。」
據Maggie透露，她於中學時代極之討厭上體育堂，她表示：「可能嗰陣時係阿Sir教啦，點都會覺得尷尬，同埋我覺得套體育衫好肉酸。」
此外，Maggie表示她因運動而與谷祖琳成為好友，她說：「我兩年前成日去做gym，成日撞到小谷，自始之後就成日約埋一齊去做運動啦。」不過Maggie最遺憾的是其母極力反對不准她去學滑水，她表示：「阿媽成日都話怕我去滑水會撻斷尾龍骨，所以就唔畀我去玩。」
採訪、攝影：李珮洳