由米路吉遜（MelGibson）執導嘅《受難曲》票房喺各地都高開，好似套戲上星期喺中東國家約旦、敍利亞以及黎巴嫩開畫，又打破咗當地票房嘅紀錄。除咗咁之外，美國近排做咗個統計，話《受難曲》現時喺美國已經收咗約二十四億港紙，重拉高咗今年嘅美國冬季票房，單計○三至○四年度嘅美國冬季票房，已經比去年升咗百分之十五喇！