同GiGi阿Sa車輪戰吃不消
古仔咀李彩樺最緊要乾淨

李彩樺和古天樂在電影《戀情告急》中飾演初戀情人，二人在片中更有一場咀戲，不過古仔表示該場戲只是點到即止，而在片中古仔和梁詠琪、蔡卓妍多位靚女亦有感情戲。

電影《戀情告急》將於下周四（八日）復活節檔期上映，該片是一部輕鬆喜劇，古天樂飾演的銀行經理，與梁詠琪（GiGi）、蔡卓妍（阿Sa）以及李彩樺都有感情戲，一男配幾女，戲份主力集中在古仔身上。

撻着初戀情人
李彩樺在戲中飾演古仔的初戀情人，一次古仔在街上撞到已嫁人兼大了肚的李彩樺，即時想起當年兩人拍拖時的浪漫情景，兩人更有一場接吻的戲份，不過古仔就表示親熱戲只是點到即止，他說：「雖然我同李彩樺有咀戲，但只係點到即止啫，冇《戀上你的床》咁多床戲，因為套戲喺復活節假期上，想輕鬆、浪漫同乾淨啲，我同導演陳慶嘉合作過好多次，大家有晒默契。」
雖然和多位靚女合作，但古仔不但不覺得自己豔福無邊，還表示拍攝十分辛苦，他說：「呢套戲拍攝嘅時間雖然唔長，但係因為要趕住交片，我每日要開十六至十八個鐘頭工，而且日日開工冇得停，我因為唔夠精神，所以經常唔小心整傷自己，希望以後再接其他電影時，度期可以度好啲，咁我就唔使拍得咁辛苦。」

因刻板而分手
而古仔和GiGi在片中拍拖多年，感情變得刻板。GiGi在某個情人節更主動向古仔提出分手，令古仔情緒失落。阿Sa則飾演古仔在網上認識的好友，知道GiGi嫌古仔不夠浪漫，阿Sa為了幫古仔，不惜女扮男裝，到GiGi任職的時裝店去挑逗GiGi，但卻發現GiGi是完全玩不起的類型。
而古仔因經常向阿Sa吐露心事，覺得阿Sa很了解自己，後來相約見面，古仔更在不知不覺間愛上了阿Sa。