近日有間叫「利福國際」嘅公司招股上市，個名雖然陌生，但其實係經營銅鑼灣至旺嘅崇光百貨，「大劉」劉鑾雄係主要股東之一。不過，最特別係利福有位獨立非執行董事，叫林兆麟，同大劉有段淵源。
呢位Simon林，原來有份參與九九年審訊華人置業內幕交易案，做審裁處委員，原本政府唔係委任佢，但係周福基以健康理由請辭，於是Simon林接手。件案係話大劉喺九六年十一月利用出售娛樂行嘅內幕消息，事前購入華置股份獲利。最後審裁處以二比一票數，裁定大劉內幕交易嘅指控不成立。難得大劉識英雄重英雄，同林生一齊做利福董事。董事會重有鄭裕彤同佢乖仔鄭家純，以及地產界立法會議員石禮謙。
傳真︰2623-9278
電郵︰