噚日係四月一日愚人節，公認邊個係特區第一蠢人？環保組織綠色和平就話係房屋及規劃地政局局長孫明揚，佢哋噚日專登帶埋個笨局長大蛋糕送去政府總部同佢慶祝，希望佢食過蛋糕，可以刺激智商增長，年薪四五百萬，貴過美國總統，唔好再做啲好似賤賣紅灣半島嘅蠢事。
呢班綠色戰士話，𠵱家已經搵到二十八名立法會議員簽署份聯署信，除咗譴責孫明揚為紅灣半島醜聞承擔主要責任，並促請政府交代制止發展商拆紅灣半島，以及保證另一私人參建居屋計劃牛池灣嘉峰臺唔會成為另一宗賤賣屋苑同拆卸目標。
（圖）綠色和平帶埋生日蛋糕同局長孫明揚慶祝愚人節。梁祖彝攝
傳真︰2623-9278
電郵︰