名模琦琦前晚在上海出席由貿易發展局舉辦的「活色新香香港時尚之夜」活動，她表示丈夫任達華獲金紫荊影帝獎時，她正在紐約工作，接獲丈夫給她的短訊後，當日早上八時她即往教堂祈禱感恩。
名模琦琦、時裝設計師鄭兆良、王敏德、甘國亮及「蘭桂坊之父」盛智文等，前晚往上海新天地湖畔出席由貿易發展局舉辦的「活色新香香港時尚之夜」活動，並獲大會頒發港滬時尚人士大獎，其他內地得獎者包括胡兵、孔祥東及陳逸飛等，現場還有一場大型fashionshow，展出張天愛及馬偉明等的新作。
琦琦前晚身穿購自紐約的EmilioPucci迷你裙出席，問她丈夫任達華憑《PTU》一片獲金紫荊影帝獎，兩人打算怎樣慶祝？琦琦說：「佢攞獎嘅時候我喺紐約做緊嘢，佢攞獎後五分鐘已經send咗個短訊話畀我知，我梗係好開心啦！當時係紐約朝早八點，我即刻梳洗換衫去教堂祈禱感恩，我重買定好多份禮物送畀老公㖭！」
琦琦續說：「老公從影咁耐，拍《PTU》一片係用咗最長時間嘅，重因為咁推咗好多片約，𠵱家攞獎係一個最大嘅回報。我打算做完北京嘅時裝節後，同老公一齊出外旅行慶祝。」
此外，有份獲時尚人士獎項的鄭兆良前晚所見比前更fit，他說：「因為我戒咗煙、酒同去蒲，以前去吃喝玩樂乜嘢都玩夠啦，𠵱家生活好健康，得閒就做gym、瑜伽，星期日重會去教堂㖭。」
記者JessicaNgan、ChenWaiOn上海直擊
