有公職王之稱嘅交諮會主席鄭漢鈞噚日任期屆滿，佢話再過幾年就八十歲，所以決定退休，唔再出任公職，計下咁多年嚟擔任過嘅公職，真係多到自己都數唔清，原因係佢來者不拒。
話說當年前運輸局局長蕭炯柱突然走嚟搵佢，要佢做交諮會主席，講咗幾分鐘蕭局長重喺衫袋攞封一早寫好嘅委任信出嚟，結果佢做交諮會主席做足七年咁耐，破晒紀錄。鄭漢鈞又話唯一一次拒絕政府係房委會前主席王䓪鳴因短樁醜聞辭職，有港府官員搵佢接任，佢就話我個仔係房委會委員，有衝突噃！點知個官員一星期後又再嚟搵佢，重話乜嘢衝突都冇問題，佢惟有捱多次義氣。
傳真︰2623-9278
電郵︰