近來天氣乍暖還寒，環境運輸及工務局局長廖秀冬前日喺立法會，向議員解釋新財政年度有關該局嘅開支，其間猛話議事堂冷氣好凍。噚日輪到立法會秘書長馮載祥向議員解畫，前線嘅立法會議員劉慧卿就即刻質問馮載祥，究竟有冇好好咁節省能源，搞到凍親冬冬？
點知馮載祥話，立法會嘅室內溫度，其實同所有政府部門一樣，維持喺攝氏二十二至二十三度，佢重話有啲官員覺得特別凍，會唔會係因為面對議員質詢，先會有呢個感覺，跟住重問坐喺佢前排嘅一班官員，係咪唔覺得凍呢？呢個時候，相信班高官就算真係凍到打冷震，都唔敢出聲啦！
（圖）卿姐質問馮載祥點解立法會冷氣凍到冷親冬冬，祥哥就話二十二度係正常室內溫度。
傳真︰2623-9278
電郵︰