電影係夢工場，乜都可以發生，喺城大讀創意媒體課程嘅三年級學生杜緻朗，獲得藝人曾志偉賞識，用咗佢所寫嘅劇本嚟拍戲，就係下月底上映嘅《江湖》。擔起中間人角色嘅，就係本身係導演嘅城大創意媒體學院顧問譚家明，佢噚日話曾志偉欣賞佢寫嘢「夠辣」。
杜緻朗話《江湖》嘅內容「係關於兩兄弟、講忠誠」。寫呢個古仔時，志偉只係提過三個要求：江湖大佬、情婦同兄弟情，佢話自己雖然係女仔，但寫呢啲黑社會古仔一啲都唔難，「成街人都扮晒江湖人」。二十四歲嘅杜緻朗好有個性，之前試過寫一個叫《朝霧》嘅劇本，講中年師奶情慾問題，「因為我都會變成佢哋咁，好想了解吓。」
傳真︰2623-9278
電郵︰