香港成日都要同新加坡鬥，一間以美國為基地嘅國際顧問公司，舊年底做咗個大型調查，根據九個準則包括保安係咪嚴密、設施係咪完善等，訪問一萬二千位旅客。佢哋心目中最滿意嘅中型機場原來係新加坡樟宜機場，香港赤鱲角機場就輸咗個馬鼻排第二。唔知係咪因為受訪者以美國人為主，由第三至第十位結果都由美國各個機場奪得。
另外，港龍航空後日正式進軍東京，成田機場出晒名非常繁忙，航空公司要攞飛機升降時段，可謂插針都插唔入，港龍行政總裁許漢忠同八方講，今次成功攞到每周七班（周六除外）、早機去晚機返嘅升降時段，都要多謝沙士。
佢估計，有航空公司喺沙士期間暫停部份班次，空出飛機升降時段，故此港龍可以冷手執個熱煎堆。
傳真︰2623-9278
電郵︰