4月4日是兒童節，要哄小朋友開心，家長不期然就想到買玩具作禮物。其實，玩具不一定要用錢買，利用日常生活剩餘物資如牛奶盒、電芯、紙箱，亦可做到好玩又益智的玩具，甚至可以同小朋友一齊動手炮製親子玩意，齊齊過一個滿載心思及溫情的兒童節。
記者：招佩珊 攝影：周旭文
Model：南南（RichStrategy）
層層叠扑鎚仔
將牛奶盒循環再用，做成各款盛器着實屢見不鮮，但原來亦可用來做玩具！將之剪貼及用花紙包好便組合成層層叠，貼上一對筷子就成為鎚仔。玩法是先要叠好牛奶盒，需要相當定力方可完成，然後用鎚仔將牛奶盒逐一扑走，但要運用技巧才不會令叠高的盒子一次過倒下。可訓練小朋友的定力，勝過金錢換來的玩具及節目。
材料：
946ml紙盒5個、花紙6卷、木筷子1對、報紙或米少量
耗盡能量的電芯亦有其用途，依然能輸出電力，皆因它可變玩具貓仔及老鼠的發電機。一枚電芯加上橡筋及膠手抽，便可令紙做的貓仔和老鼠在地上滾動！
材料：
膠手抽2個、舊電芯2枚、橡筋2條、顏色紙3張
小秘技
只要扭動電芯便可令貓仔、老鼠滾動，但決定它們向前或向後走，取決於扭動電芯的方向，朝手抽柄那邊向內扭，貓仔老鼠便向前走，相反，向外扭則令它們往後溜。
用紙盒蓋做的波子機，做法簡單，再花點心思，將它變成可訓練小朋友的心算波子機。當用波子「碌」出數字後，可叫小朋友作加減乘除的運算，所以話勤有功，戲不一定無益。
材料：
紙箱蓋1個、紙黏土1包、波子1包、白卡紙1張、顏色紙3張
