「抗拒著比堅尼喺鬧市行」
李嘉欣明寸纖體女星

李嘉欣昨日往金鐘出席時裝店開幕活動，並獲頒「Cool&Chic」的獎項。被問到近期大量女星加入纖體女星人行列，嘉欣笑言興趣不大，尤其抗拒看見自己穿上比堅尼泳裝在鬧市行來行去的照片，擺明寸纖體代言女星。

大美人李嘉欣昨日往金鐘太古廣場，出席時裝店iBlues新店開幕，除獲該品牌贊助外，她更獲頒「Cool&Chic」獎項。其他行騷的模特兒包括周汶錡、翁為德和陳嘉容等。

「可能我太貴」
嘉欣大讚昨日時裝展上的比堅尼泳裝漂亮，問她會否大量搜購？她說：「我已經好多年冇着比堅尼啦，淨係有一年喺洛杉磯，畀個好信得過嘅朋友影過着比堅尼嘅相啫。」
近期大量女星加入纖體代言人行列，問嘉欣何時輪到她？她笑說：「我未有機會拍呀，可能我太貴啦，同埋我實在好抗拒見到自己着住比堅尼喺鬧市行來行去嘅相。」她此話一出，令人不期然想起近期在鬧市拍纖體廣告的另一大美人關之琳。

巧遇姬蒂摩絲
嘉欣透露最近一口氣推掉八部內地電視劇，她說：「因為我上次同關錦鵬合作拍《畫魂》實在太完美。」《畫》劇即將在TVB播出，問她對收視有沒有信心？她說：「我預咗收視未必好好，因為呢套劇嘅節奏比較慢。」
嘉欣又提到早前往巴黎拍廣告，巧遇英國超模姬蒂摩絲（KateMoss），她說：「咁啱我個廣告嘅拍攝隊伍人員識得佢嘅，即時介紹，我覺得佢做咗媽咪後個人溫馴咗，有另一番味道。」
採訪：梁錦雯　攝影：林德雄