近年坊間興起一股改車熱潮，連帶一眾搵食車亦屬被改之列，但呢類改裝車大多只着重外表方面，往往性能表現卻與原車沒多大改動；相信大家睇過今日呢部咁有型嘅福特TransitConnectX-Press後，勢必對這改裝風有另一新觀感！
記者：鄭達基
雖然車身線條與原有嘅Transit貨車相近，廠方卻為其改換上四輪18吋OZ跑車合金胎軨，加上換裝全新懸掛組合後，令車高有所下調，再襯埋車身上咁搶眼嘅車身彩貼，望落更好似一部大跑。至於車廂方面，新車內裏更裝有黑白色嘅桶形跑車座椅，坐落夠晒妥貼舒適之餘，兼且重換埋金屬跑車腳踏、三輻式跑車軚環及簡潔易讀嘅表板鋪排，係咪好正呢？
咁重唔止呀！原來呢部TransitConnectX-Press嘅引擎蓋下，係藏有一台2.0公升DuratecRSTurbo引擎，馬力輸出高達215ps/5500rpm，而扭力輸出更高達31.6kgm/3500rpm，匹配埋輔有APRacing極力子嘅5前速波箱，從而令車子起步加速敏捷有勁外，再加埋輔有Brembo制動卡鉗（前輪）嘅高效能煞車碟，制動表現絕能予人
