房委會商場，近年搞宣傳推廣，一啲都唔比私人發展商差，復活節就以韓國潮流做主題，聯同韓國觀光社與韓國樂天世界，喺多個商場舉辦「韓國傳統鼓舞技藝大滙演」，及「樂天世界卡通明星大巡遊」，夠晒韓國風情。重請嚟一大班人氣偶像，好似薛凱琪、2R、周汶錡、戴夢夢等，同現場觀眾玩遊戲。總之啱晒唔同年紀消費者，個場又點會唔旺呢？
