張國榮生前經理人陳淑芬，為紀念張國榮逝世一周年，將於明日推出一隻售十五元的《煙花燙》VCD，陳淑芬說：「呢首歌係我作畀哥哥，本來係限量發行，只係賣畀歌迷會，但係後來環球唱片方面，驚唔係歌迷會但係又鍾意哥哥嘅人，唔可以欣賞到呢首歌，所以最後決定會喺聽日推出市面。」而明日參加文華酒店螢光晚會的歌迷，將獲派發《煙》的紀念大碟。
陳淑芬透露《煙》耗資六位數字製作，她說：「因為哥哥生前係一個力求完美嘅人，隻碟做得好啲。同埋賣得咁平，都唔使買翻版。」《煙》的MV取景，大部份是張國榮生前最喜歡到的地方，陳淑芬說：「呢隻碟係想帶一個正面訊息畀大家，哥哥𠵱家好平靜，冇煩惱，好開心。」