古天樂、郭羨妮、李心潔、江欣慈和韓君婷前晚到中環出席Orient4新店開幕，問郭羨妮與古仔傳緋聞後又傳不和時，她說：「有不和咩？只係傳緋聞，我見到佢都唔會尷尬，我哋喺同一間髮型屋整頭，有時會見到面，嗰啲係花邊消息啫。」
問古仔可會與郭羨妮打招呼時，他說：「我哋有乜事呀？都冇不和，有時開工見到佢同佢媽咪，我都有叫聲autie，使唔使畀大家影合照呀？」但古仔與郭羨妮只在合照時有傾有講，合照前後卻不見二人閒聊。李心潔則表示有欣賞《見鬼2》，她說：「要兩部戲比較唔公平，我都覺得舒淇做得好好。」
此外，古仔昨日應邀到又一城OSIM分店試坐全新推出的按摩椅，記者再問起郭羨妮時，他說：「我哋同一經理人，有時都會外出登台工作，間中都會見到面，而且影相只係好簡單，況且人哋𠵱家都有男朋友啦。」
採訪：馮美茵、卓寶花
攝影：陳烱威
