由蔡少芬及謝君豪主演的新片《天作之盒》前晚於香港會展舉行首映禮，好友陳法蓉、黃子華、張家輝及黃毓民等紛紛前來捧場，正在內地拍攝劇集《十三姨與黃飛鴻》的陳慧珊專程趕返港赴會，而張家輝則特別向無綫請假前來，認真畀面。
前晚黃子華姍姍來遲，原來是為了追看台灣政局最新消息，子華說：「睇到好緊張好戲劇性，之前台灣總統大選我都有去台灣湊熱鬧，但冇話支持邊個，呢啲都係留番畀台灣自己決定。」
此外，黃毓民的店舖早前被人惡意淋油，問他是否得罪人，黃毓民說：「我做電台成日得罪人啦，今次係惡作劇，我納咗稅咁多年，梗係交畀警方處理。我成日都收到啲傳真話殺死我，我屋企人都擔心㗎，但我就覺得呢啲嘢唔到我驚囉。」
採訪、攝影：王崇穎、卓寶花