喺剛過去嘅CeBIT展入面，除咗一堆電訊產品外，當中重有一項重要產品展出，就係各家各派嘅DVD燒錄產品。照形勢睇，DVD燒錄繼目前極速12×後，快將步入16×DVD-R燒錄嘅新世代，抄滿一隻DVD唔使6分鐘，而且對DVD燒錄愛好者嚟講，日夜盼望嘅一碟雙層式（即D9制式）DVD燒錄終於出現，呢種名為DVD-RDL技術，令到本來已有4.7GB超大容量嘅DVD碟，倍升至8.5GB，足足可收錄四小時DVD質素影片，又或8,500張1MB嘅高解像數碼相，容量相當之驚人，對於喜愛自製生活片段DVD，又或超豐富圖片DVD嘅用家，都有相當吸引力。
記者：徐影龍