朱茵昨日真空露背裝上陣，與張可頤、韓君婷和郭羨妮等，出席「10大秀身之星大賞」，身穿綠色低Ｖ裙的朱茵在台上全程激凸，成功撼低其餘九位靚女，搶盡風頭。
十位女藝人包括朱茵、張可頤、韓君婷、顧紀筠、翁為德、蔡少芬、郭羨妮、周汶錡、李彩樺和林嘉欣，昨日齊以性感打扮往黃埔海逸酒店，出席「10大秀身之星大賞」活動。
眾女紛紛袒胸露臂大騷長腿，十分搶眼。朱茵真空上陣，穿上由Celine贊助的綠色DeepV連身裙出現，奇峯凸出，恍如綠仙子般嬌美。
朱茵說：「我之前試過件衫，都知道會咁，我有試過貼乳貼，但係好似隻雞蛋咁，所以冇辦法，咪當自己係國際模特兒囉，最緊要適合場合啫，我之前都有畀件衫阿Paul（男友黃貫中）過目㗎，佢『嘩』一聲，然後話好靚，但我都驚佢鬧。」
韓君婷和翁為德均以透視裝襯迷你裙上陣，惹火身材若隱若現。媽咪級的顧紀筠亦酥胸半露，相比之下，密密實實、穿中袖衫和長褲的林嘉欣則頗為失色。
近期人氣強勁的張可頤則身穿碎花吊帶裙、印花短襪，襯上桃紅色漆皮鞋，但頭上竟戴上一頂鮮黃色鴨嘴帽，配搭頗為奇怪，張可頤到場不久即脫下帽子，並將頭髮束起，她說：「今日啲衫係我自己襯嘅，因為興cap帽嘛，但嚟到佢哋話唔襯，咁咪除咗頂帽囉，不過着衫最緊要係隨心配搭同埋覺得靚就得。」
而李彩樺和周汶錡同樣以超迷你裙亮相，大騷修長美腿，上身頗為密實的李彩樺說：「都知道其他女仔好性感，惟有集中騷長腿。」
採訪：卓寶花、陳月萍
攝影：陳偉權
