黎明（Leon）昨日到港台擔任電視製作頒獎禮頒獎嘉賓，對於有指Sony中文唱片部總經理王凱文已辭職，並將加盟Leon經理人公司負責唱片部一事，Leon昨日坦承道：「佢係已經辭咗職，因為我哋經理人公司會成立唱片部，佢就係唱片部主管，成立唱片部係想版權方面可以靈活啲，而我哋同Sony就會轉換另一種合作形式，或者會由Sony做發行，但協議重傾緊，而唱片會係我哋公司○四年嘅頭炮。」
Leon又指自己在經理人公司中只是一個藝人，不會參與行政工作，故沒打算投資在自己所屬的唱片公司。劉德華曾因與人合組公司而發生許多問題，問到Leon會否擔心，他說：「唔同嘅，華仔經驗比我多，我未試過，所以唔知個答案，總之我呢刻唔係投資者。」
此外，對於歌酬和轉會費會相應減少一事，Leon強調工作不是用錢去衡量。而其經理人公司的唱片部會在兩、三個月內開始物色新人加盟。